طبِ نبوی ﷺ کے آزمودہ نسخے | سنتِ رسول ﷺ سے شفا کا مکمل خزانہ

 طب نبوی ﷺ - قرآن و سنت کی روشنی میں 

اسلام ایک مکمل ضابطہ حیات ہے جو انسان کی روحانی ، اخلاقی ، معاشرتی اور جسمانی زندگی کے ہر پہلو سے رہنمائی فراہم کرتا ہے ، رسول الله ﷺ کی سیرت طیبہ نہ صرف عبادات اور معاملات میں ہمارے لیے نمونہ ہے بلکہ صحت اور علاج کے اصولوں میں بھی رہنمائی کا عظیم خزانہ رکھتی ہے ، نبی کرم ﷺ منقول طبّی ہدایات اور علاج کے طریقوں کو طب نبوی ﷺ کہا جاتا ہے 

یہ طب کوئی علیحدہ میڈیکل سسٹم نہیں بلکہ وحی ، فطرت اور تجربے پر مبنی ایسے  اصولوں کا مجموعہ  ہے جو انسانی صحت کے لیے نفع بخش ہیں 

طب نبوی ﷺ کی تعریف 

طب نبوی ﷺ سے مراد وہ طبی ہدایات ، علاج کے طریقے اور صحت کے متعلق اصول ہیں جو نبی کریم ﷺ کے ارشادات ، آپ ﷺ کے عملی محمولات اور اپ کی خاموش تائید سے ثابت ہوں .

طب نبوی ﷺ کی اہمیت 

نبی کریم ﷺ الله کے رسول ہیں اور الله تعالیٰ فرماتے ہیں 

وَمَا يَنطِقُ عَنِ الْهَوَىٰ، إِنْ هُوَ إِلَّا وَحْيٌ يُوحَىٰ
(سورۃ النجم: 3-4)

ترجمہ :نبی ﷺ اپنی خواہش سے کچھ نہیں کہتے ، بلکہ وہ وہی ہوتی ہے جو انکی طرف کی جاتی ہے .

اس آیت سے معلوم ہوتا ہے کہ نبی ﷺ کی دی ہوئی ہدایات میں خیر اور حکمت پوشیدہ ہے ، خصوصاً وہ امور جو انسان کی بنیادی ضرورت یعنی صحت سے متعلق  ہے 

طبِ نبوی ﷺ کے بنیادی اصول

اللہ تعالیٰ فرماتے ہیں.

كُلُوا وَاشْرَبُوا وَلَا تُسْرِفُوا

(سورۃ الاعراف: 31)

نبی ﷺ نے فرمایا:

مَا مَلَأَ آدَمِيٌّ وِعَاءً شَرًّا مِنْ بَطْنٍ

(ترمذی: 2380)

ترجمہ :"انسان نے پیٹ سے زیادہ برا کوئی برتن نہیں بھرا۔"

صفائی اور طہارت

صفائی کو اسلام میں ایمان کا حصہ قرار دیا گیا:

الطُّهُورُ شَطْرُ الْإِيمَانِ

(صحیح مسلم: 223)

یہ اصول آج کی میڈیکل سائنس میں بھی بنیادی حیثیت رکھتا ہے۔

طبِ نبوی ﷺ میں مشہور علاج

 شہد

اللہ تعالیٰ فرماتے ہیں:

فِيهِ شِفَاءٌ لِلنَّاسِ
(سورۃ النحل: 69)

نبی ﷺ نے پیٹ کے مرض میں شہد کے استعمال کی تلقین فرمائی۔
(صحیح بخاری: 5684)

 کلونجی (حَبَّةُ السَّوْدَاء)

نبی کریم ﷺ نے فرمایا:

فِي الْحَبَّةِ السَّوْدَاءِ شِفَاءٌ مِنْ كُلِّ دَاءٍ إِلَّا السَّامَ

(صحیح بخاری: 5687، صحیح مسلم: 2215)

 حجامہ (Cupping Therapy)

نبی کریم ﷺ نے فرمایا:

إِنَّ أَمْثَلَ مَا تَدَاوَيْتُمْ بِهِ الْحِجَامَةُ
(صحیح بخاری: 5696)

آپ ﷺ نے خود بھی حجامہ کروایا۔

 کھجور (خصوصاً عجوہ)

نبی ﷺ نے فرمایا:

مَنْ تَصَبَّحَ بِسَبْعِ تَمَرَاتٍ عَجْوَةً

(صحیح بخاری: 5779، مسلم: 2047)

روحانی علاج (روحانی طب)

طبِ نبوی ﷺ میں روحانی علاج کو بھی اہم مقام حاصل ہے:

• قرآن کے ذریعے شفا

• دعائیں اور اذکار
• دم (رقیہ)

اللہ تعالیٰ فرماتے ہیں:

وَنُنَزِّلُ مِنَ الْقُرْآنِ مَا هُوَ شِفَاءٌ وَرَحْمَةٌ لِلْمُؤْمِنِينَ

(سورۃ الاسراء: 82)

طبِ نبوی ﷺ اور جدید سائنس

• شہد اینٹی بیکٹیریل ہے
• کلونجی قوتِ مدافعت بڑھاتی ہے
• حجامہ خون کی گردش بہتر بناتی ہے

یہ سب اس بات کی دلیل ہے کہ طبِ نبوی ﷺ فطرت کے عین مطابق ہے۔